下載表格

香港01

2017-10-14

香港01

收工收得晚,趕唔切買餸,日日都要食外賣食到厭?市面上有一種網購餸包服務,幫你買餸、切好兼醃埋,送到你公司或屋企,跟足說明蒸煮,15分鐘左右就食得。Fresh To Go走中高檔路線,有打邊爐及燒烤材料包出售,以及適合坐月的菜式。2010年成立,售賣的餸菜款式是三間之中最多。餸菜以保溫袋包裝,內附冰袋。但包裝說明只寫了餸菜名稱、製造及食用日期,未有材料成分。而做法方面有另外附有紙條說明做法。 我試了魷魚蒸黑毛豬肉餅,肉餅最為厚實有彈性,賣相亦最靚,味道方面最好吃,肉質嫩滑彈牙,感覺像在吃餐廳點的肉餅。 價錢:$98 運費:最低消費為$350,香港及九龍地區免運費,新界地區需購滿$500免運費。逢星期一至日送貨,送貨時間最方便消費者。可在當日11時前下單,即日下午送達。-----原文轉載自《香港01》https://www.hk01.com/01%E6%95%99%E7%85%AE/125687/-%E4%BB%8A%E6%99%9A%E8%B2%B7%E4%B9%9C%E9%A4%B8-%E8%92%B8%E8%82%89%E9%A4%85%E9%86%83%E5%A5%BD%E9%80%81%E4%B8%8A%E9%96%8015%E5%88%86%E9%90%98%E5%8D%B3%E7%85%AE%E5%8D%B3%E9%A3%9F-%E5%AF%A6%E6%B8%AC3%E5%A4%A7%E7%B6%B2%E8%B3%BC%E5%BA%97

閱讀更多
經濟通

2017-08-11

經濟通

CCTVB星期日晚播出的《街市遊樂團》,專講街市生態,感覺夠本土及地道,我身邊的師奶個個都有追看,包括網絡街市天后Rainbow姐。   Rainbow是本地品牌fresh to go創辦人,她六歲已經要開始洗米煮飯,是《五個小孩的校長》的真人版,天天和街市佬、豬肉佬、賣魚佬打交道,自己也開始做起生意來,在小學炒賣磁石貼。她經常說,自幼家貧書少讀,十七八歲就出國做交換生,回港後就跟住老豆做裝修設計生意,之後半生人從未打過工。   令Rainbow真正踏上創富之路,是八年前搞的fresh to go,這個是香港首創網上買餸電子商貿平台,幾年下來,吸引一輪又一輪的投資者幾千萬元的資金,生意愈做愈大;城中知名企業及連鎖超市均找她合作,包括City’ super、Sogo、領展、海洋公園等等。   「Rainbow,甚麽導致妳搞網上買餸平台?」我問。   「我熱愛優質簡約生活,自少都是用這個姿態出現,而且毫無父蔭,看看身邊的現代女性、OL,有幾多個識買餸煮餸吖?我爹哋媽咪要工作,六歲開始洗米煮飯,畀兩個細路及全家吃,三餸一湯,任何浪費都比阿媽打到飛起,從少學會節儉,天天反覆思量,如何將剩餘物質、隔夜餸菜弄成另一餐美味菜餚,可能是當年打下的基本功吧。」「而且,我們的原材料全部有機、Traceable、無公害、吃得安心健康,去年推出的坐月前後滋補餐單,深得媽咪信任。」 -----原文轉載至《經濟通》http://lifestyle.etnet.com.hk/column/index.php/management/digitalmarketing/45448

閱讀更多
UFOOD

2016-11-28

UFOOD

一網打盡乜料都齊!│ Fresh to Go │ 網購食物唔止訂生蠔、三文魚喇,成餐火鍋都可以上網買到,仲體貼到送埋上門畀你。Fresh To Go 成立 5 年愈做愈有規模,BBQ、火鍋料、湯料包、家常小菜、坐月食療、BB 食物等都有得揀。對於一年四季都要打邊爐嘅你同我,最吸引嘅梗係火鍋配料。 Fresh To Go 的「回家打邊爐」系列總共有 12 種食物類型、接近 200 款食材選擇。淨係牛肉都有本地、加拿大、美國 3 地選擇,多到唔知揀乜好!最正是所有火鍋配料都是「一撕即煮」,即係無需再清洗、一打開個包裝就可以即食!要落柯打,只要喺 Fresh To Go 網頁揀選食材,於每日 11am 時前落單,即日 4pm 至 7pm 就可以送到家中,送貨前 30 分鐘仲會有人打電確定送貨地址,make sure 有人接收先送貨,以保質素,好貼心。 食物會以保溫袋載好,入面再放有一大袋冰保冷。 金屋藏嬌鍋 $268 湯底有 15 款選擇,大路的有皮蛋芫茜、沙嗲、椰子嘉美雞、嘉美醉雞、四川麻辣、大魚頭鍋,最平 $68。要足料又豐富,推介呢個金屋藏嬌!大廚先以金華火腿、新鮮嘉美雞及豬肉等熬成基本湯底,再加入花膠、牛肝菌、雞髀菇,瑪卡、竹笙再煮成,款款都係矜貴材料!湯底本身已經好甜,打邊爐時再加埋跟湯底的半隻嘉美雞及冬瓜環,味道更加鮮甜濃郁。 【火鍋精選】 米綫店滋補 2 人雞煲 自家製手打雜錦釀西班牙黑毛豬肉丸 $148/16 粒 打邊爐除咗必食牛肉外,丸類都不可少!品牌特設「FTG 自家手打系列」,部分肉丸用西班牙黑毛豬腩肉、以 3:7 肥瘦肉嘅比例手打而成。呢個雜錦釀西班牙黑毛豬肉丸分別有法國鵝肝、蟲草花火腿蓉及日本南瓜做餡,肉丸鬆化有彈性。 手打鹹蛋西班牙黑豬肉丸 $78/9 粒 鹹蛋蒸肉餅就食得多,Fresh to Go 將呢個家常餸變成肉丸打邊爐。肉丸同樣以西班牙黑豬打成,豬肉丸混入了細細粒嘅鹹蛋,味道鹹香好特別! 新鮮牛胸尖 $88/150g 親朋好友總有一、兩個係牛魔王!食得刁鑽啲,推介牛胸尖!呢塊好似牛脂肪嘅物體,其實是牛胸前肋骨上嘅筋膜肌肉,每隻牛只有一小塊。淥起嚟感覺好似好硬,但食落口感爽脆又有牛肉及牛油香,會食上癮! 女兒紅浸手切牛肉 $148/150g 肉質嫩幼的牛脊肉切薄片後以陳年花雕浸半小時,酒味濃而不苦,輕灼 30 秒食得。 膳醉嘉美雞湯 1 人火鍋餐 $168 最新推出的一人火鍋餐,分別有以嘉美雞、杞子、當歸等藥材,加花雕酒煮成的膳醉嘉美雞湯,及用北海道薯仔、番茄、大量魚肉、魚骨餚製的番茄薯仔魚湯,以及用咗粟米、新鮮蘿蔔及豬骨煮成的粟米蘿蔔豬骨湯選擇。一兩個人打邊爐,都有靚湯底。 份量一啲都唔少!有澳洲和牛薄切片及日本鹿兒島黑豚各 3 片、鮮冬菇、蘿蔔、日本魚蛋、芋絲、娃娃菜、西洋菜、金菇、芋絲、京葱、日本豆腐及日本蛋 1 隻,再跟埋豉油、辣椒粒及葱粒,呢個 set 兩個人食都得!提提大家,最低消費 $350,九龍及香港區免運費,新界嘅朋友要買滿 $500 先有得送貨。 Fresh To Go 電話:2866 6881 網頁: http://freshtogo.hk/index.php/ 原文轉載自 https://food.ulifestyle.com.hk/restaurant/news/detail/1567264/%E9%96%8B%E7%88%90%E5%8D%B3%E6%89%93%EF%BC%81%E9%80%81%E4%B8%8A%E9%96%80%E7%81%AB%E9%8D%8B%E6%87%B6%E4%BA%BA%E5%8C%85/3

閱讀更多
顯示開始 1 到 3 之 3 (總 1 頁)